जेठ १८ काठमाडौ। नेपाली काग्रेसका नेता डा रामशरण महतले नेपाली काग्रेसको नेतृत्वमा राष्ट्रिय सहमतिको संयूक्त सरकार गठन गर्न माओवादी नेतृत्व पनि तयार रहेको बताएका छन् ।रिपोर्टर्स क्लब नेपालले बुधवार आयोजना गरेको साक्षात्कारमा यस्तो बताएका हुन् ।
डा.महतले माओवादी नेतृत्वले पनि काग्रेसको नेतृत्वमा सहमतिको सरकार बने सहज हुने निश्कर्स सहित सकारात्मक प्रतिक्रिया दिएको जानकारी दिए ।
उनको तर्क थियो–एमालेको पालो पुगिसक्यो । माओवादीले निश्चित सर्त पुरा नगरि सरकारको नेतृत्व गर्ने अवस्था छैन । त्यसैले काग्रेसको नेतृत्वमा सरकार बन्ने लगभग पक्का छ ।
पाँच बुँदे सहमति कार्यान्वयन गर्न प्रधानमन्त्रीले राजिनामा दिएर मार्ग प्रसस्त गर्नु पर्ने भन्दै तत्काल राजिनामा दिनु पर्छ र सहमति भए पछि राजिनामा दिन्छु भन्ने दुबै भनाई ठिक नभएको तर्क गरे । उनले दलहरुले शान्त कुटनीतिक बाट यस विषयमा सहमति गरेर सहमतिको सरकार गठन गर्नु पर्ने उल्लेख गर्दै बाहिर बाद विवाद गरे त्यसले सहमतिमा बाँधा उत्पन्न गर्ने चेतावनी दिए ।
पाँच बुँदे सहमतिमा काग्रेस चुकेको भन्ने सार्वजनिक भनाईको खण्डन गर्दै डा महतले काग्रेस चुक्यो भन्नेहरुले संविधानसभा विघठन गर्न चाहेको आरोप लगाए ।
उनले काग्रेस संविधान सभाबाटै संविधान निर्माण गर्ने र शान्ति प्रक्रिया निश्कर्समा पुर्याउन पक्षमा रहेकोले नै अन्तिम समयमा आएर सहमति गरेर काग्रेसले शान्ति र संविधानको सम्भावनालाई जिवित राखेको तर्क गरे । उनले अब विगतमा के भयो भन्ने भन्दा पनि पाँच बुँदे सहमतिको कार्यानवय अहिलेको लागी महत्वपूर्ण कुरा भएको भन्दै शान्ति प्रक्रिया निश्कर्समा पुर्याउन सबै भन्दा महत्वपूर्ण जिम्मेवारी माओवादीको भएको बताए । उनले भने–विगतमा धेरै धोका, बेईमानी र झुक्याउने काम भएको छ । अहिले उसको परिक्षाको घडी हो । माओवादी आग्रह पुर्वाग्रह भन्दा माथि उठनु पर्छ ।
डा महतले जेठ १४ गते भएको पाँच बुँदे सम्झौता अनुसार आगामि जेठ २० गतेभित्र माओवादी नेताहरुले प्रयोग गर्दै आएको दोहोरो सुरक्षाको अन्त्य गरेर उनीहरुको हतियार राज्यलाई बुझाउने, २८ बटै शिविरमा विशेष समिति अन्र्तगतको जनशक्ति पठाएर नियन्त्रण निर्देशनमा राख्ने सहमति भएको खुलासा गर्दै पुनःस्थापना प्याकेज, संख्या, मापदण्ड र विधीमा सहमति गरेर लडाकुलाई काउन्सीलिङगर्ने सहमति पनि भएको बताए ।
0 comments:
Post a Comment