जेठ २४ काठमाडौं। संसदको सार्वजनिक लेखा समितिले युनिटि लाईफ प्रकरणबारे स्पष्टीकरणका लागि अर्थ, गृह लगायतका जिम्मेवार मन्त्रीहरुलाई बोलाउने भएको छ ।सिंहदरबारमा आज बसेको समितिको बैठकले युनिटी लाईफ प्रकरणबारे आगामी जेठ ३१ र असार एक गते गृह, अर्थ सहितका सम्वन्धित मन्त्रीहरुलाई बोलाएर जवाफ माग गर्ने निर्णय गरेको हो । समितिले उद्योग तथा वाणिज्य र कानुन मन्त्रीका साथै चारवटै मन्त्रालयका सचिवलाई समेत बोलाउने निर्णय गरेको हो ।
युनिटि प्रकरणबारे आज गृह मन्त्रालयका सचिव र नेपाल प्रहरीका सम्वन्धित अधिकारीसँग समितिले जानकारी लिएको छ । बैठकमा सभासद्ले उठाएका जिज्ञासाको जवाफ दिदै गृहसचिव लीलामणी पौडेलले युनिटि लाइफका तीन जना ब्यवस्थापकमाथि कार्वाही भइसकेको जानकारी दिनुभयो ।
पाँच जना फरार ब्यवस्थापको खोजि भइरहेको र उनिहरु देश बाहिर रहेकाले कार्वाहीमा असहजता भएको सचिव पौडेलको भनाई थियो । पौडेलले तीन हजार छ सय १२ जनाले एक हजार डलर बढि कमिसन युनिटिबाट लिएको जानकारी दिनुभयो । युनिटि लाईफबाट हालसम्म ३ लाख ६६ हजार चार सय ४२ जना पीडित रहेको गृहमन्त्रालयको दावी छ ।
बैठकमा नेपाल प्रहरीको केन्द्रीय अनुसन्धान विभागका प्रमुख प्रहरी नायव महानिरीक्षक राजेन्द्र सिंह भण्डारीले हालसम्म सञ्चालक समितिका ८ जना सहित ३९ जना माथि कार्वाही भइसकेको जानकारी दिनुभयो । युनिटिका सञ्चालकले नेताहरुलाई समेत धम्की दिन सुरु गरेको भन्दै भण्डारीले उनिहरुको खोजि तिब्र पारिएको जानकारी दिनुभयो ।
बैठकमा सभासद्हरुले युनिटिका सञ्चालकमाथि कार्वाहीका सागि सरोकारवाला निकाय कमजोर भएको दावी गरेका थिए । सभासद् लालवाबु पण्डितले संविधानसभा भवन बाहिर वारेण्ट जारी भएका ब्यक्तिबाट प्रदर्शन गर्दा समेत प्रशासन मौन बसेको आरोप लगाउनुभयो । सभासद् धनराज गुरुङले छानविनमा भएको ढिलासुस्तिले अपराधी खुलेआम हिडिरकेको बताउनुभयो । सभासद् रविन्द्र अधिकारीले नियमनकारी संस्थकाको कमजोरीका कारण धेरै जनता युनिटिबाट ठगिएको बताउनुभयो ।
0 comments:
Post a Comment