असार ६ काठमाण्डौ । परिक्षा नियन्त्रण कार्यालय सानो ठिमीले आज प्रवेशिका परीक्षा अर्थात एसएलसी २०६७ को नजिता सार्वजनिक भएको छ ।
सार्वजनिक नतिजा अनुसार नियमितर्फ ५५ दशमलव ५ प्रतिशत परीक्षार्थी उतिर्ण भएका छन । गतवर्षको तुलनामा ८ दशमलव ८१ प्रतिशत कम हो ।
यसैगरी यसवर्ष आंशिकतर्फ १७ दशमलव ३० प्रतिशत परीक्षार्थी उतिर्ण भएका छन् । यो पनि गतवर्षको भन्दा करिव १३ प्रतिशतले कम हो । २०६६ सालको परीक्षामा नियमित तर्फ ६४ दशमलव ३१ तथा आंशिकतर्फ २९ दशमलव १८ प्रतिशत विद्यार्थी उतिर्ण भएका थिए । नतिजा टेलिफोनबाट १६०० डायल गरेर सिम्वल नम्वर थिच्नुपर्ने छ भने मोबाइलबाट आफ्नो सिम्वलन नम्वर टाइप गरेर १४०० र २६२२ मा एसएमएस गरेमा आफ्नो रिजल्ट थाहा पाउन सकिने छ ।
परीक्षा नियन्त्रण कार्यालयका अनुसार यस वर्ष २ लाख ३० हजार ४ सय ९९ जना परीक्षार्थी उतिर्ण भएका छन । जसमा नियमिततर्फ २ लाख २० हजार ७ सय ६६ तथा आंशिकतर्फ ९ हजार ७ सय ३३ छन । अनुत्तिर्ण भएकाका लागि पनिकाले साउन २३ देख ३० गते सम्मको समय तोकेको छ ।
२०६६ सालको एसएलसीमा कुल चार लाख ५६ हजार ७ सय १९ ले परीक्षा दिएकोमा ६४ दशमलव ३१ तथा आंशिकतर्फ २९ दशमलव १८ प्रतिशत विद्यार्थी उतिर्ण भएका थिए ।
0 comments:
Post a Comment