तीन दलको बैठक विना निष्कर्ष स्थगन

असार ५ काठमाडौं । प्रमुख तीन राजनीतिक दलको बैठक विना निष्कर्ष सकिएको छ । प्रधानमन्त्रीको सरकारी निवास बालुवाटारमा बसेको बैठकमा नयाँ आर्थिक बर्षको बजेटको ल्याउन सहमति कसरि गर्ने भन्ने बारेमा र ५ गतेभित्र शान्ति प्रक्रियाको कार्यतालिका सार्वजनिक गर्न नसकिएको बारेमा समिक्षा गरिएको छ । 

यस अघि ५ गतेभित्र शान्ति प्रकृयाको कार्यतालिका सार्वजनिक गर्ने सहमति दलहरुबीच भएपनि आजसम्म कुनै खाका नआएकाले यसलाई कसरि अघि बढाउने  भन्ने बारेमा बैठकमा छलफल भएको तर कुनै निष्कर्ष निक्लन नसकेको प्रधानमन्त्रीका प्रेस सल्लाहकार सुर्य थापाले जानकारी दिनु भयो  ।