● फोटो- जैनु श्रेष्ठ
(बिचमा नेपाली झण्डा बोक्ने हुन् फ्रान्सेली मेयर)
सुकर्म शास्त्रिय संगित टोली यतिखेर यूरोप भ्रमणमा छ नेपाललाई चिनाउँदै । फ्रान्सका बिभिन्न ठाउँमा उनीहरुले शास्त्रीय संगित सुनाएर धेरै सर्व साधारणलाई मात्र होइन, थुप्रै उच्च अधिकारीहरुलाई पनि लठ्ठ बनाए । यसैबाट नेपाल चिनाए, चिनाउँदै छन् । अस्ति साँझ सुकर्मको टोलीले फ्रान्सको राजधानी पेरिसबाट करिब २ घन्टा टाढा रहेको भिब्रे भन्ने ठाउँमा सयौं फ्रान्सेलीलाई झुम्म मात्रै बनाएनन् त्यहाँका मेयरलाई पनि कहिले नेपाल पुगौं झैं बनाइदिए । सुकर्मको संगितले लट्ठिएका मेयरले सयौं समर्थक र स्थानियको भिडमा हाकै भने- मलाई त नेपाल कहिले जाउँ झैं भएको छ ।
भिब्रेका मेयर ज्याकी बोर्तोनले नेपाली शास्त्रिय संगितको स्वाद लिएपछि आफूले अहिलेसम्म सुनेको, जानेको र बुझेको नेपालभन्दा अझ आकर्षित भएको र नेपालको कला, संगित र संस्क्रिति हेर्न कहिले पुगौं झैं भएको बताउँदा स्रोताहरु एक टकले सुनिरहेका थिए ।
(सुकर्म शास्त्रिय संगित टोली-बायाँबाट तबला बादक प्रमोद उपाध्याय, सितारबादक ध्रुबेश चन्द्र रेग्मी र सारंगी बादक श्याम नेपाली)
यूरोप यात्रामा नेपाल चिनाउँदै हिँडेको यो टोलीलाई त्यस कार्यक्रम आयोजना गर्ने मेसो मिलाएका थिए नेपालकालागि पूर्व फ्रान्सेली राजदूत मिसेल जोलीभेले । नेपालमा जनयुद्दको चरम कालमा अरु देशले भटाभट सूचना जारी गरेर नेपाल नआउन आफ्ना नागरिक सूचित गरिरहेका बेला उनी बिकट पहाडी गाउँहरुमा एक्लै यात्रा गरेर नेपाल पूर्ण रुपमा सुरक्षित रहेको सन्देश दिएर चर्चामा आएका थिए । यहाँ पनि यी जोलिभे कुनै न कुनै रुपमा नेपालको प्रवर्धन गर्न लागिरहेका छन् । उनले संगित सुन्न आएका फ्रन्सेलीहरुलाई ‘नेपाल सानो मुलुक भएपनि ज्यादै आकर्षक र नेपालीहरुमा दया, न्यानोपना र मिलनसार भएको बताएर फ्रान्सेलीहरुलाई नेपाल घुम्न प्रेरित गरे । उनले आफ्नो नेपालको कार्यकाल ज्यादै रमणिय र जिवनको महत्वपूर्ण क्षण रहेको सुनाएर फ्रान्सेली मनलाई नेपालतिर एकोहोर्याउन खोजेका थिए ।
सुकर्म टोलीका सितारबादक ध्रुबेश चन्द्र रेग्मीले त झन अन्य देश भ्रमण गर्न विमान टिकट लिइसकेका फ्रान्सेलीलाईपनि थक्क थक्क बनाएका थिए । यूनेस्कोले नेपाललाई जिवनमा एक पटक नहेरि मर्न नहुने विश्वका अति आकर्षक थोरै मुलुक मध्ये एकमा राखेको जनाकारी दिँदा धेरै फ्रान्सेलीहरुले नेपाल जाने मोह देखाए । यो गर्मी बिदामा लओस घुम्ने टिकट लिसकेका केहिले ‘नेपाल पो जानुपर्ने रहेछ’ भन्दै चुकचुकाएका थिए । आगामी वर्षको बिदा नेपालमा मनाउनुपर्छ भन्नेहरुको स्वर बाक्लै थियो ।
नेपाली सांस्क्रितिक ग्रिह, पेरिसका हेमन्त उपाध्यायले नेपाली कला र संस्क्रितिबारे जानकारी गराएका थिए । उनले यस्तै नेपाली कला र संस्क्रितिको संरक्षण गर्न र फ्रान्सेली र नेपालीहरुमाझ चिनाउन आफूहरुले नेपाली सांस्क्रितिक घर निर्माण गर्न लागेको जानकारी दिएर धेरैलाई नेपाली संस्क्रितिप्रति उत्सुक बनाए ।
श्रोत:नेपाल प्लस
0 comments:
Post a Comment