असार ४ काठमाडौं । नेकपा एमालेका महासचिव इश्वर पोखरेलले शान्तिप्रक्रिया नटुंिगएसम्म लोकतान्त्रिक संविधान बन्न नसक्ने बताउनुभएको छ ।
एमाले मेची अञ्चल समन्वय कमिटीको प्रशिक्षण कार्यक्रमलाई आज राजधानीमा सम्बोधन गर्दै महासचिव पोखरेलले माओवादी लडाकूको शिविर खाली गर्नु नै अहिलेको मुख्य चुनौती भएको बताउनुभयो । उहांले लडाकूका शिविर खाली गरी सरकारलाई हतियार बुझाउन माओवादीलाई आग्रह गर्नुभयो ।
शान्ति प्रक्रियालाई पुरा नगरी कुनै पनि हालतमा संविधान जारी नहुने पोखरेलको भनाइ छ । एमाले महासचिव पोखरेलले माओवादी र कांग्रेससंग राजनीतिक सहयात्रा गर्दै शान्ति प्रक्रियालाई निष्कर्षमा पु¥याउने नै एमालेको लाइन भएको बताउनुभयो । शान्ति प्रक्रियालाई टुगाेंमा पु¥याउन आफ्नो पार्टी प्रतिबद्ध रहेको भन्दै उहांले माओवादी र काग्रेसका गलत कुरालाई आखा जुदाएर मात्र राजनीतिक सहयात्रा गर्ने बताउनुभयो ।
एमाले भित्र पनि फरकफरक सोच भएका कारण पार्टीभित्र बिवाद उत्पन्न हुने गरेको उहांले बताउनुभयो । महासचिव पोखरेलले पार्टीको सिद्धान्त विपरीत नबोल्न नेताहरुलाई चेतावनी पनि दिनुभयो ।
0 comments:
Post a Comment