काठमाडौं ७ असार ।
ट्यिुनिसियाका निर्वासित पूर्वराष्ट्रपति जैनअल आब्दिन बेन अली र उनकी पत्नीलाई अदालतले ३५ बर्षको सजाय सुनाएको छ ।
देश छाडेर साउदी अरबमा शरणमा लिइरहेका पूर्व राष्ट्रपति दम्पत्तीलाई टियुनिसियाको एउटा अदालतले गैरकानुनी रुपमा रकम र गरगहना राखेकोमा दोषी ठहर गरेको हो । उनीहरुमाथि छ करोड ५० लाख छ करोड जरिवाना पनि तोकिएको अन्र्तराष्ट्रिय साचारमाध्यमहरुले जनाएका छन् ।
देशमा भ्रष्टाचार बेरोजगारी र महंगीको विरोधमा सुरु भएको प्रदर्शन भड्किएपछि राष्ट्रपतिका रुपमा २३ बर्षसम्म सत्ता सम्हालेका बेन अली श्रीमतीसहित भागेर साउदी अरबको शरणमा पुगेका थिए । उनलाई साउदीले सुपुदर्गी गर्नेमा टियुनिया सरकार ढुक्क देखिएको छ ।
राष्ट्रपति बेन अलीका वकिलले भने अदालतको फैसला राजनीतिबाट प्रेरित रहेको दाबी गरेका छन् । बेन अलीको बहिर्गमनसंगै टियुनिसियामा अन्तिम सरकार बनेको छ । बेन अलीमाथि अझै पनि हत्या अभियोग सत्ताको दुरुपयोग पुरातात्विक सामाग्रीको अवैध व्यापार लगायतका विषयमा मुद्दा चलिरहेको छ । टियुनिसियाजस्तै इजिप्टमा भएको जनआन्दोलनका कारण त्यहांका राष्ट्रपति होस्नी मुबारक पनि पद छाडन बाध्य भएका थिए । क्यान्सर रोगबाट पीडित मुबारकविरुद्ध पनि विभिन्न मुद्दा चलिरहेको छ ।
0 comments:
Post a Comment