सुरेश बिडारी,असार ५,महोत्तरी
सीमावर्ती भारत विहार राज्यको सितामढी जिल्लाको सिसर्िया गाउँबाट पाँच दिन अघि पक्राउ परेका नेपालका मष्ट वान्टेड जनतान्त्रिक तराई मुक्ति मोर्चा ज्वाला समुहका महोत्तरी ईन्चार्ज जीवन त्यागी भन्ने इन्द्रजीत यादवलाई जिल्ला प्रहरी कार्यालय महोत्तरीले गएराती सार्वजनिक गरेको छ ।
यादवमाथि धनुषा जिल्ला कनकपट्टीका राकेशकुमार यादवलाई ज्यान मार्ने उदेश्यले गोली हानेर घाइते बनाएको महोत्तरी सोनमाका तोकिर अंस्ाारी र वलवाका रामगुलाम साहलाई अपहरण गरेर फिरौती लिएको तथा फुलकाहाका बेचु साहलाई अपहरण पश्चात गोली हानेर घाइते बनाएको मुद्दा छ ।
यादवमाथि अपहरण तथा शरीर बन्धकका चार हातहतियार तथा खरखजानालगायतका मुद्धा रहेको प्रहरी कार्यालय महोत्तरीले जनाएको छ । यसैबीच त्यागीलाई आजै अदालत उपस्थित गराई जेल चलन गरिने र अन्य मुद्दामा अनुसन्धान अघि वढाइने जिल्ला प्रहरी कार्यालय महोत्तरीका प्रही उपरिक्षक मोहनराज जोशीले वताउनुभयो ।
0 comments:
Post a Comment