अज्ञात रोगका कारण विद्यालय बन्द

मन्दिरा थापा

 माघ २६ दोलखा । दोलखाको हावा गाविस स्थित अम्बिका निम्न माध्यमिक बिद्यालयमा अध्ययनरत बिद्यार्थीहरुमा अज्ञात रोग देखा परेपछि  आजबाट ३ दिनको लागी बिद्यालय बन्द गरिएको छ । कक्षा कोठामा अध्ययन गरिरहेका छात्राहरु कक्षामा नै बेहोस हुन थालेपछि बिद्यालय बन्द गरिएको बिद्यालयका प्रधानाध्यापक बेदबहादुर महतले जानकारी दिनुभयो ।

 माघ २३ गते  कक्षा ३ मा अध्ययरत अम्बिका सुनुवार, मनिषा सुनुवार र अमृता सुनुवार पढ्दा पढ्दै बेहोस भएको र त्यसको भोलिपल्ट कक्षा ५ मा अध्ययनरत रविना सुनुवार, शुसिला सुनुवारमा पनि सोही रोग देखापरेपछि बिद्यालय बन्द गरिएको बिद्यालयले जनाएको छ ।