साँफेवगर महोत्सवको तयारी

 फागुन १५  काठमाडौं।  नेपाल पर्यटन बर्ष २०११ को प्रचार प्रसार, स्थानीय तथा राष्ट्रिय स्तरमा उत्पादित दैनिक उपभोग्य एवं औद्योगीक वस्तुहरुको व्यापार प्रवद्र्धनमा सहयोग पु¥याउने उदेश्यले साँफेवगर महोत्सव हुने भएको छ ।

स्थानीय उत्पादन, सँस्कृतिक र पर्यटन प्रवद्र्धनको लागि साँफेवगर महोत्सव भन्ने मूल नारा लिई गर्न लागेको महोत्सव फाल्गुन २१ देखि २५ गते सम्म साँफेवगर अछाममा हुनेछ ।

उक्त महोत्सवमा लोपोन्मुख हुनलागेको राउटेजातीलाई प्रतक्षरुपमा देखाउने , स्थानीय उत्पादन, सुदुरपश्चिमाञ्चलका ऐतिहासिक, धार्मिक, प्राकृतिक, तथा जैविक महत्वका पर्यटकीय सम्पदाहरुको पहिचान, स्थानीय लोक संस्कृतिक लगाएतका अन्य थुप्रै आकर्षण वस्तुहुने महोत्सवका संयोजक सिलोज कुँवरले बताउनुभयो ।

महोत्सवमा करिव १ लाख ५० हजार देखि २ लाख सम्मले अवलोकन गर्ने अनुमान छ , त्यस्तै महोत्सवमा १ सय देखि १५० सम्म प्रदर्शनी कक्ष रहनेछ । महोत्सव सम्पन्न गर्नको लागि करिव २० लाख लाग्ने अनुमान आयोजकको छ ।