कूल तामाङ्
फागुन ११ नुवाकोट। सरकारले यस वर्ष नुवाकोट जिल्लाका ८० हजार निरक्षर महिला तथा पुरुषलाई साक्षर बनाउने भएको छ ।
नुवाकोटको विदुर नगरपालिका र ६१ वटै गाविसमा तेश्रो चरणको साक्षरता अभियान सञ्चालन गरी ८० हजार निरक्षकलाई साक्षर बनाउने लक्ष्य राखेको जिल्ला शिक्षा कार्यालय नुवाकोटले जनाएको छ ।
निरक्षर उन्मुलनका सरकारले सञ्चालन गर्न लागेको साक्षरता अभियानको तयारी अन्तिम चरणमा पुगेको कार्यालयले जनाएको छ । आगामी चैत १ गतेदेखि सञ्चालन हुने तेश्रो चरणको साक्षरता अभियानमा १५ वर्षदेखि ६० वर्षसम्मका निरक्षर महिला, पुरुषहरुको सहभागिता रहने जिल्ला शिक्षा अधिकारी यमबहादुर केसीले केसीले बताउनुभयो ।
निरक्षरहरुलाई स्रोत केन्द्रस्तरमा जनसंख्याको आधारमा न्युनतम् ५ देखि ६, ७ र २२ कोटा निर्धारण गरी साक्षरता स्वयंसेवकमार्फत अध्यापन गराइने उहाँले बताउनुभयो । यसअघि, २०६६ मा पाँचसय ८२ र २०६५मा एकहजार पाँचसय २४ कोटा निर्धारण गरी निरक्षरलाई अध्यापन गराइएको थियो ।
वितरित साक्षरता अभियानको कोटा मध्ये सबैभन्दा बढी विदुर नगरपालिकामा निरक्षर तीन हजार ६६ जना महिलासहित चारहजार एक सय आठ जनाको लागि २२ कोटा निर्धारण गरिएको छ ।
0 comments:
Post a Comment