फागुन ११ काठमाडौं। नेकपा एमालेले मंगलवार भएको सातबुदे सहमतिका विषयमा गरेको निर्णय र सरकार गठनका विषयमा सत्ता साझेदार एमाले र माओवादीबीच छलफल भएको छ । सिंहदरबारमा एमाले संसदीय दलको कार्यालयमा भएको छलफलमा एकीकृत माओवादीले हिजो गरेको निर्णयका बारेमा एमालेसँग जानकारी लिएको थियो ।
माओवादीको जिज्ञासामा प्रधानमन्त्री झलनाथ खनालले सातबुदे सहमति भन्दा एमालेको निर्णय बाहिर नगएको र केही शब्दमा मात्रै संशोधनको आवश्यकता रहेकाले त्यसै अनुसार चल्ने बताउनुभयो । माओवादी अध्यक्ष पुष्पकमल दाहाल प्रचण्डले भने एमालेको निर्णयमा सन्तुष्ट नरहेको र पार्टीभित्र छलफल गरि भोलि जानकारी गराउने बताएको थियो । आफ्नो पार्टी छलफलमा रहेकाले एमालेको निर्णयमा बारे माओवादीले असहमति जनायो ।
बैठकपछि माओवादी उपाध्यक्ष नारायणकाजी श्रेष्ठ प्रकाशले एमालेको निर्णयमा माओवादीको सहमति नरहेको र त्यस विषयमा भोलि स्थायी समितिको बैठक बसेर थप छलफल गर्ने बताउनुभयो । एमाले र माओवादीको छलफल सकिएलगत्तै एमाले नेताहरुको बैठक बसिरहेको छ ।
प्रधानमन्त्री खनाल बाहिरिएपनि वरिष्ठ नेता माधवकुमार नोपाल, नेता केपी ओली महासचिव ईश्वर पाखरेललगायतका नेताहरु छलफलमा रहनुभएको छ ।
0 comments:
Post a Comment