मुस्ताङमा यस बर्ष हाल सम्मकै कम तापक्रम

चन्द्रश्वर बस्ताकोटी

 फागुन १० मुस्ताङ। साना ठुला गरि यस बर्ष हिमाली जिल्ला मुस्ताङका सबै भुभागमा सातपटक हिमपात भएको छ । स्थानिय बासीन्दाका अनुसार तल्लो देखि उपल्लो मुस्ताङ सम्म सात पटक भन्दा बढि हिमपात भएको हो । गत पौष १६ गते दिउसो, पौष २५ गते बिहान, पौष २९ गते राति देखि माघ १ गते बिहान सम्म, माघ १६ गते दिउसो देखी राती २ बजे सम्म, माघ २५देखी बिहान ४ बजे सम्म, फाल्गुन ३ गते राती देखी बिहान सम्म हिमपात भएको थियो । यसै गरि फाल्गुन ८ गते राती देखि ९ गते बिहान सम्म समेत अचानक हिमपात भएको ग्रामीण पुनः निर्माण तथा पुनःस्थापना आयोजनाका असिस्टेन्ट सब इन्जिनीयर कृष्ण गौतमले बताउनु भयोे । सात पटक सबै तिर हिमपात भएको र कतिपय ठाउमा अझधेरै पटक समेत हिमपात भएको थियो ।

यसबर्ष हाल सम्मकै तापक्रम न्युनतममा झरेको मार्फाको जोमसोम माउन्टेन रिसोर्ट नजिकै रहेको जल तथा

मौसम बिज्ञान बिभाग, मौसम अबलोकन केन्द्र जोमसोम, मुस्ताङले जनाएको छ । केन्द्र स्थापना भएको ११ बर्षमा सबै भन्दा कम तापक्रम गत फाल्गुन ५गते माइनस ११.६ डिग्री सेल्सीयस मापन गरिएको थियो । गत बर्ष पुस २६ गते ताक्रम घट्दै माइनस ९.६डिग्री सेल्सीयस भएको थियो । गत बर्ष असोज ५ गते दखि माइनस हुन शुरु भएकोमा यस बर्ष भने कार्तिक २४ गतेबाट तापक्रम माइनस भएको थियो ।

यसबर्ष अधिकास पुस, माघ र फाल्गुन महिना प्राय दिनमा माइनस ७ डिग्री सेल्सीयसको हाराहरीमा भयो भने गत बर्ष सोहि समयमा माइनस ४ डिग्री सेल्सीयसको हाराहरीमा भएको थियो । जोमसोम माउन्टेन रिसोर्टको स्थापनाकाल देखि नै होटलमा रहेका म्यानेजर बद्रि श्रेष्ठका अनुसार अहिले जस्तो जाडोको अनुभब पहिले कहिल्यै भएको थिएन । जोमसोम माउन्टेन रिसोर्टका कर्मचारीले नै मौसम अबलोकन केन्द्र जोमसोम, मुस्ताङको काम समेत गदै आएका छन ।

हिमपात पछि कृषी क्षेत्रमा अन्नबाली सप्रने, चरनको समस्या नहुने  हुदा कृषकहरुमा खुसीयाली छाएको छ । अब पनि हिमपात भए स्याउलाई असर गर्ने जिल्ला कृषि बिकास कार्यालयका कृषी प्रसार अधिकृत रधुबिर श्रेष्ठले बताउनु भएको छ ।  हिमाली क्षेत्रमा हिउदे बालीको राम्रो खेती हुन हिउ अत्यावश्यक मानिन्छ । स्याउलाई किराबाट बचाउन समेत हिउ बरदान साबित हुन्छ  । हिउ खेल्न आउने पर्यटकहरु हवाई मार्ग हुदै मुस्ताङ भित्रिने क्रम सोमबार देखि नै बढेको छ ।

स्थानिय बासिन्दा र मुक्तिनाथ दर्शन गर्न आउने पर्यटकलाई भने जमेको हिउका कारण समस्या भएको छ । जोमसोम देखि मुक्तिनाथ जाने सवारी साधन लाई समस्या भएकोमा गत सनिबार देखिनै जिल्ला बिकास समिति मुस्ताङले कच्ची सडकको हिउ फाल्न डोजर लगाएको छ । डोजरबाट कच्चि सडकको हिउ फाल्न करिब २ लाख ५० हजार लाग्ने अनुमान गरिएको जिल्ला बिकास समिति मुस्ताङका सब इन्जिनीयर बिष्णु बास्तोलाले बताउनु भयो ।

गत ४ गतेको हिमपातका बेला कुञ्जोगाबिस टिटीका ६४ बर्षिय भिम प्रसाद गौचनको  चिसोले कठ्याग्रीयर दुखद  निधन भएको थियो । साथमै रहेकी १० बर्षिय बालिका कबिता तामाङ घाइते भएकी थिइन ।