विद्यार्थीको आँखा परीक्षण

  फागुन १६ रसुवा।    तिलगंगा आँखा केन्द्रको सहयोगमा सोमबार रसुवा सामुदायिक आँखा केन्द्रले विभिन्न विद्यालयमा विद्यार्थीको आँखा परीक्षण गरेको छ । हालसम्म ६ सय ३९ जना विद्यार्थीको आँखा परीक्षण गरिएको रसुवा सामुदायिक आँखा केन्द्रले जनाएको छ ।

आँखा परीक्षण गरिएका विद्यालयमा नवविजयी महेन्द्र निमावि भलायडाँडा, ढुङ्गे निमावि, वाराही प्रावि र शिवालय निमावि रहेका छन् । परीक्षण गरिएका विद्यालयहरूमा १२ जना विद्यार्थीहरू मोतियाविन्दूका रोगी भेटिएका आँखा केन्द्रका प्रमुख मोहनकृष्ण डंगोलले बताउनुभयो ।