गोरखा जिल्ला परिषद फागुन २८ मा हुने

राजेन्द्र न्यौपाने
फागुन १३ गोरखा। जिल्ला विकास समिति गोरखाले फागुन २८ गते हुने जिल्ला परिषदको तयारी तीव्र पारेको छ । सोही क्रममा जिल्लाका १३ वटै इलाकाको योजना तर्जुमा समितिको बैठक सकिएको स्थानीय विकास अधिकारी तिलक पौडेलले जानकारी दिनुभएको छ ।

इलाका स्तरबाट आएका सुझावलाई विषयगत समितिको बैठकमा छलफल गर्ने र २३ गते एकिकृत योजना तर्जुमा समितिको बैठक बस्ने कार्यक्रम रहेको उहाँले बताउनुभयो ।

विषयगत समितिको छलफल २० गते सक्ने र त्यसपछि जिल्लाबाट प्रतिनिधित्व गर्ने सभासद्हरुका राय सुझाव संकलन गर्ने तयारी भैरहेको पौडेलले जानकारी दिनुभयो । फागनु २८ गते परिषद गर्ने र २९ गते सार्वजनिक गर्ने कार्यक्रम रहेको उहाँले बताउनुभयो । सभासदहरुसँग रायसुझाव लिनको लागि उहाँ शुक्रवार काठमाण्डौ जानुभएको छ ।

नियमको परिधिभित्र रहेको मात्र आफुले काम गर्ने उहाँले जानकारी दिनुभयो ।