माघ २५ मोरङ। मोरङ दुलारी–१ का २३ वर्षीय भुवन कार्कीको गोली प्रहारबाट हत्या भएको छ । सुनसरीको इटहरीमा आज बिहान नेकपा (एमाले) निकट युवा सङ्घ नेपालका एक कार्यकर्ताको शव फेला परेपछि अनुसन्धान गर्दा कार्कीको गोली हानी हत्या भएको प्रहरीले जनाएको छ ।
शव बिहान ६ बजे इटहरी–४ स्थित कृष्ण प्रणामी मन्दिर नजिकै रिक्सामा राखिएको अवस्थामा फेला परेको पूर्व क्षेत्रीय प्रहरी कार्यालय विराटनगरले जनाएको छ । छातीको बायाँ भागमा गोली लागेको प्वाल रहेको कार्कीको कसले र किन हत्या ग¥यो खुल्न सकेको छैन । प्रहरीले कार्कीलाई अन्त्यै हत्या गरी रिक्सामा हालेर त्यहाँ फालेको हुनसक्ने आशङ्का गरी अनुसन्धान सुरु गरिसकेको जनाएको छ ।
कार्कीको शव पोष्टमार्टमका लागि धरानस्थित बिपी कोइराला स्वास्थ्य विज्ञान प्रतिष्ठानमा लगिएको छ ।
0 comments:
Post a Comment