समिति निर्माण

राजेन्द्र न्यौपाने
गोरखा, २२ माघ । जिल्लाको बुंकोट गाउँ विकास समिति स्थित श्री शहीद स्मृति उच्च माध्यमिक विद्यालयमा विद्यालय व्यवस्थापन समितिको निर्माण गरिएको छ  ।
    विद्यालय व्यवस्थापन समितिका अध्यक्ष चेत बहादुर रानाको अध्यक्षतामा भएको सो कार्यक्रममा एनेकपा माओवादीका सिताराम रसाइली नेपाली काँग्रेस र नेकपा एमालेका पूर्णजंग भण्डारी र धन बहादुर वि.क.स्रोत व्यक्ति विश्वनाथ वाग्ले लगायतले मन्तव्य राख्नुभएको थियो ।
     वृहत अभिभावक समारोहले गणेशबाबु लम्सालको अध्यक्षतामा विद्यालय व्यवस्थापन समिति र शेर बहादुर वि.क.को अध्यक्षतामा शिक्षक अभिभावक संघको गठन गरेको विद्यालयका प्राचार्य बाबुराम ढकालले बताउनुभयो । अभिभावक समारोह शुक्रवार भएको हो । कार्यक्रमको सञ्चालन रोहिणी प्रसाद खनालले गर्नुभएको थियो ।