अमेरिकी प्राध्यापकद्वारा तालिम

माघ २४ कञ्चनपुर। अमेरिकाको मिसिगन स्टेट युनिभर्सिटीका भाषा विज्ञान प्राध्यापक डा बारबारा लले कञ्चनपुरका ७० भन्दा बढी अङ्ग्रेजी विषयका शिक्षकलाई तालिम प्रदान गरेका छन् ।

नेपाल इङ्लिस ल्याङ्ग्वेज टिचर्स एसोसिएसन -नेल्टा) को आयोजनामा प्राध्यापक बारबाराले अङ्ग्रेजी विषयका शिक्षकलाई दुई दिने तालिम प्रदान गरेका हुन् ।

तालिममा प्राध्यापक बारबाराले अङ्ग्रेजी व्याकरण, अङ्ग्रेजी शिक्षण विधि, सार्वजनिक भाषण प्रतिवेदन लेखनलगायतका विषयमा सैद्धान्तिक र व्यावहारिक प्रशिक्षण दिएको नेल्टाका अध्यक्ष शङ्करदत्त भट्टले बताउनुभयो ।