कूल तामाङ्
फागुन १३ नुवाकोट। दोस्रो विवाह गर्न जन्ती सहित बेहुलीको घर पुग्दा विवाह भाँडिएपछि गेर्खुका नेपाली सेनाका जवान वेहुलीको खोजीमा गाउँ गाउँ पसेका छन् । ढाँटेर दोस्रो विवाद गर्न जिलिङ गाविस वडा नं २ पुगेका गेर्खु गाविस वडा नं १ माझगेर्खुका नेपाली सेनाका जवान नारायण न्यौपानको विवाह भएको जानकारी पाएपछि केटी पक्षले त्यहाँबाट लखेटेको हो ।
तीन वर्षअघि फिकुरी गाविसकी सरस्वती अधिकारीसँग विवाह गरेका नेपाली सेनाको भवानी वक्सगणमा बुटवलमा कार्यरत न्यौपानेको श्रीमतीसंग सम्वन्ध नराम्रो भएपछि विहीवार उनी जन्तीसहित जिलिङ पुगेका थिए ।
पहिलो श्रीमति सरस्वती नै दोस्रो विवाह गर्न लागेको जग्गेमा पुगेर वास्तविकता खोलेपछिविवाह भाँडिएको थियो । वुटवल स्थित नेपाली सेनाको भवानी वक्स गणमा कार्यरतन्यौपानेको पहिलो सन्तानका रुपमा दुई वर्षिया एक छोरी समेत छिन् । एक ठाउँबाट भगाएपछि फेरि राति नै अर्को ठाउँमा विवाहको तयारी गरेको बताउँदै युवा माधव गजुरेलले उनीहरु जसरी पनि विवाह गरिछाड्ने भन्दै गाउँ पसेको बताउनुभयो ।
आफन्तका साथ सानो समूहमा दुलही लिन निस्केका न्यौपानेको विवाह भइसकेको पुष्टी पछि टोली राति नै जिलिङकै अर्को गाउँमा पुनः अर्को केटीसँग विवाहको तयारी गरेको थियो । त्यो विवाह पनि स्थानीय युवाहरुले भाँडिदिए पछि उनीहरु दोस्रो विवाह गरीछाड्ने भन्दै दुईपिपल, रातमाटे लगायतका गाउमा केटी खोज्दै हिँडेका छन् ।
सामाजिक मान्यता अनुसार विवाहमा साईतगरी दुलही लिन निस्कदा दुलही नलिई घर फर्कन नहुनेरीतीलाई अनुसरन गदै न्यौपाने परिवार गाउँ पसेको हो । न्यौपानेको श्रीमती सरस्वती भने सामाजीक न्याय माग्दै सदरमुकाम विदुरमा न्यायको खोजीमा हिड्नुभएको छ ।
फागुन १३ काठमाडौं । संयुक्त राष्ट्रसंघ महासभाको अध्यक्ष पदका लागि नेपाल र कतारबीच प्रतिस्पर्धा हुने भएको छ । सन् २०११-१२को एक बर्षे कार्यलका लागि नेपालका तर्फबाट कुलचन्द्र गौतम र कतारको तर्फबाट राष्ट्रसंघका लागि स्थाई प्रतिनिधिसमेत रहेका नासिर अब्दुलाजिजले उमेद्वारी दिएका छन् ।
राष्ट्रसंघका पूर्वउपमहासचिव समेत रहिसकेका गौतमले चुनावी मैदानमा भाग लिनुभएको छ । यसपटक महासभाको अध्यक्ष पद एसियाबाट चयन गर्न पालो भएकाले आज राष्ट्रसंघ महासभामा एसियाका ५३ राष्ट्रले गोप्य मतदान गर्नेछन् ।
एसियाली राष्ट्रहरुले निर्वाचित गरिसकेपछि राष्ट्रसंघका बाकी सदस्य राष्ट्रहरुले अनुमोदन गर्ने प्रावधान छ ।
फागुन १३ तनहुँ । “आर्थिक सामाजिक खेलकुदको विकास र पर्यटनको प्रवद्र्धन, खैरेनीटार महोत्सव कला सीप र सांस्कृतिक संरक्षण” भन्ने मूलनाराका साथ २२ गतेसम्म संचालन हुने तेस्रो खैरेनीटार महोत्सव २०६७ शुक्रबारबाट सुरु भएको छ ।
महोत्सवको पुर्व प्रधानमन्त्री एवं नेपाली काँग्रेसका वरिष्ठ नेता शेर बहादुर देउवाले एक समारोहका विच उद्घाटन गर्नुभयो ।तनहुँ उद्योग वाणिज्य सङघ, खैरेनीटार बजार ईकाई समिति र खैरेनीटार गाविसको संयुक्त आयोजनामा सञ्चालन गरिएको महोत्सवको पहिलो दिन आज विभिन्न आदिवासी जनजातीका सस्कृती लाई दर्शाउने भेषभुषा नाच गान एवं झाँकीहरुका साथै तनहुँको मौलीक सस्कृती को रुपमा प्रचलित कौडा गीत तथा नृत्य पनि प्रस्तुत गरिएको थियो ।
यस्तै महोत्सवको अर्को आर्कषणको रुपमा आदिवासी जनजाती कुमाल समुदायको रहनसहन, रितिरिवाज एवं जीवनशैली झल्कने नमुना घर पनि रहेको छ । महोत्सवका क्रममा पर्यटकिय एवं सांस्कृतिक महत्व बोकेको दगाम गाँउ ,ढोरवाराही मन्दिर ,तिनखोले देवीको मन्दिर लगायतको भ्रमण तथा नेपालमै सबैभन्दा सुरक्षित मानिएको जलविहारका लागि आकर्षक प्याकेज को कार्यक्रम राखिएको छ ।
महोत्सवमा विभिन्न खाना, कृषि उत्पादन,अटो,सूचना केन्द्र, प्राथमिक उपचार ,विभिन्न व्यापारीक सामग्रीका प्रदर्शनी एवं विक्री ,घरेलु तथा हस्तकला उत्पादन, सेवामूलक संस्थाका प्रदशनी कक्ष र अन्य गरि १ सय ३० स्टल रहेका छन।खैेरेनीटार ९ दोभान निवासी कृष्णबहादुर रेग्मीले बनाउनुभएको एउटा गोरुले जोत्नमिल्ने हलो पनि महोत्सवमा प्रर्दशनीमा राखिएको छ । हिजोदेखि सुरु भएको महोत्सवमा ३ लाख दर्शकले अवलोकन गर्ने र २ करोडको कारोवार हुने आयोजकको अनुमान रहेको छ ।
