चैत २४ स्याङ्जा। स्याङ्जाको अर्जुनचौपारी गाविस ४ रैतेमा बिद्युतिय करेन्ट लागेर एक जनाको मृत्यु भएको छ भने ४ जना घाइते भएका छन् ।
जन–आन्दोलन दिवस मनाउन पर्वतको भोक्सिङ्गबाट ना. ४ ख. ३३१९ नम्बरको बसको छत बसेर पोखरातर्फ जादै गर्दा पर्वत जिल्ला भोक्सिङ गाविस ३, का २८ वर्षीय लालबहादुर नेपालीको मृत्यु भएको हो । करेन्ट लागेर घाइते हुनेहरुमा पर्वत भोक्सीङ्ग–१, की १९ बर्षिय सञ्जु भुषाल, सोहि गाविस–२, का २२ वर्षीय उज्जवल भुषाल, टुकबहादुर थापा र १५ बर्षिय रमेश नेपाली रहेका प्रहरीले बताएको छ ।
घाइतेहरुको कालिका शिक्षण अस्पताल हेलुमा उपचार भइरहेको बताइएको छ । चालक र बस प्रहरी नियन्त्रणमा रहेको जिल्ला प्रहरी कार्यालय स्याङ्जाका प्रहरी निरीक्षक राजकुमार के.सीले जानकारी दिनुभयो ।
0 comments:
Post a Comment