बस दुर्घटना हुदा सिन्धुलीमा १ जनाको मृत्यु ,२९ जना घाइते

एसवी गौतम

 बैशाख १५ सिन्धुली। विपि राजमार्ग अन्तर्गत सिन्धुलीको भद्रकाली गाविसको पिपलभन्ज्याङ र ढुंग्रभञ्ज्याङको बीचमा आज बस दुर्घटना हुदा १ जनाको मृत्यु भएको छ भने अन्य २९ जना घाइते भएका छन।

मृत्यु हुनेमा रामेछाप घर भएका वर्ष ६५ का सोम वहादुर कार्की रहेको सिन्धुलीका प्रहरी नायव निरिक्षक महेन्द्र प्रसाद शाहले जानकारी दिनुभयो । सिन्धुलीको खुर्कोटवाट सिन्धुलीमाढीतर्फ आउदै गरेको ना २ ख ५८५७ नं. को बस बढी लोडका कारण दुर्घटना भएको प्रहरीले जनाएको छ । अत्यधिक मोड भएको सो रोडमा मोड कटाउन नसकेको कारण गाडी पल्टेको थियो ।

घाइते मध्ये धेरैको अवस्था गम्भिर रहेको छ । घाइते सवैको सिन्धुली अस्पतालमा उपचार भइरहेको छ ।