बैशाख १६ लण्डन। बेलायती राजकुमार विलियमको शुक्रबार केट मिडिलटनका साथ विवाह सम्पन्न भएको छ । वेस्टमिन्स्टर भवनमा भएको विवाहमा धर्मगुरु आर्च विशप रोवन विलियम्सले नव जोडीलाई विवाहको सपथ गराउनुभएको थियो । राजकुमार विलियमको वैवाहिक समारोहमा बेलायती प्रधानमन्त्री डेबिड कैमरन, पप गायक एल्टन जान र चर्चित फुटबल खेलाडी डेविट बेकमसहित विभिन्न मुलुकमा १९ सय पाहुनाहरुको उपस्थिति रहेको थियो ।
राजकुमारको विवाह भएको अवसरलाई बेलायतमा उत्साहपूर्वक लिइएको छ । वैवाहिक समारोहमा सहभागी हुन हजारौं नागरिक गएरातिदेखि नै सडकमा बसेका थिए । १० लाखभन्दा बढि मानिस लन्डनको सडकमा रहेको अन्तर्राष्ट्रिय सन्चारमाध्यमहरुले जनाएका छन् ।
विश्वका विभिन्न टेलिभिजन च्यानलहरुले वैवाहिक समारोहको प्रत्यक्ष प्रसारण गरेका थिए ।
0 comments:
Post a Comment