बैशाख १६ गुल्मी। भारतको इसारामा तराईमा आपराधिक संगठनहरु सक्रिय रहेको नेकपा माले राष्ट्रवादी मोर्चाका अध्यक्ष मिनानाथ देवकोटाले आरोप लगाउनुभएको छ । राष्ट्रव्यापी अभियानका क्रममा गुल्मी पुग्नुभएका नेता देवकोटाले सदरमुकाम तम्घासमा कोणसभा गर्दै वैदेशिक हस्ताक्षेप विरुद्ध नेपालीहरु एकजुट हुनुपर्नेमा जोड दिनुभयो ।
नेपालका राजनीतिक दलहरु सरकार फाल्ने र बनाउने खेलमा मात्रै लाग्दा राष्ट्रियता धरापमा परेको धारणा राख्नुभयो । दलहरु सत्ता केन्द्रित राजनीतिमा लागेकै कारण ०६२/०६३ को ऐतिहासिक जनआन्दोलनको भावना विपरीत देश अनिर्णयको बन्दी बनिरहेको उहाँको तर्क थियो ।
समयमै संविधान निर्माणलगायतका विषयमा राष्ट्रव्यापी जन दवाव अभियानका क्रममा अन्य २० जिल्ला हुदै उहाँ आज गुल्मी आउनुभएको हो ।
0 comments:
Post a Comment