चैत २८ काठमाण्डौं ।व्यवस्थापिका संसदको बैठक आज पनि बस्दै छ । दिउँसो ३ बजेका लागि बोलाइएको बैठकमा नेपाल सरकारले केही विधेयकहरु पारितका लागि प्रस्तुत गर्ने कार्यक्रम रहेको संसद सचिवालयले जनाएको छ । यसैगरी आजको संसदको बैठकमा सभासद्हरुले विशेष समयमा विभिन्न समसामयिक विषयहरुमा आ-आफ्ना धारणा राख्ने भएका छन् । पछिल्लो राजनीतिक घटनाक्रम र भावी रणनीतिबारे छलफल गर्न संयुक्त लोकतान्त्रिक मधेसी मोर्चाको बैठक बस्दैछ ।
तमलोपा संसदीय दलको कार्यालय िसंहदरवारमा बस्ने बैठकले मधेसी जनअधिकार फोरमसँग प्रमुख सत्तारुढ दलले गरेको चारबँुदे सहमतिको समीक्षा गर्नेछ । बैठकले संविधानसभाको म्याद थपगर्ने÷नगर्ने बारे मोर्चाको आधिकारिक धारणा तय गर्ने तपलोपाका सहअध्यक्ष हृदयेश त्रिपाठीले सीआईएनलाई जानकारी दिनुभयो । मोर्चाको भावी कार्यक्रमका विषयमा पछि छलफल हुने त्रिपाठीले बताउनुभयो ।
मोर्चामा आवद्ध तीन दलका नेता भारत भ्रमणमा गएर फर्किएपछि मोर्चाको बैठक पहिलो पटक बस्न लागेको हो ।
0 comments:
Post a Comment