कूल तामाङ्
चैत २४ नुवाकोट। नेपाल रेडक्रस सोसाइटी जिल्ला शाखा नुवाकोटको २२ औं सभा बिहीवार सम्पन्न भएको छ । प्रमुख जिल्ला अधिकारी गोविन्दमणि भुर्तेलको प्रमुख आतिथ्यतामा सम्पन्न सभामा रेडक्रस नुवाकोटले आगामी दिनमा गर्ने नयाँ कार्यक्रम र चालु आर्थिक वर्षमा सञ्चालन भइरहेका कार्यक्रमको बारेमा समीक्षा भएको थियो ।
रेडक्रस नुवाकोटमा आवद्ध २० वटा उपशाखाका प्रतिनिधि तथा पदाधिकारीहरुको सहभागीता रहेको सभाको उद्घाटन गर्दै प्रमुख जिल्ला अधिकारी गोविन्दमणि भुर्तेलले रेडक्रस पवित्र संस्था भएकोले यस्तो संस्थामा राजनीतिक गन्ध आउन नदिन सुझाव दिनुभयो । उहाँले मन्दिरमा जुत्ता फुकालेझैं रेडक्रसको मानवीय सेवा गर्दा राजनीतिक गन्ध टाढै राख्नुपर्ने बताउनुभयो ।
कार्यक्रममा स्थानीय विकास अधिकारी दामोदर भण्डारीले दैवीप्रकोप जस्ता मानवीय उद्धारका कार्यक्रममा रेडक्रसको भूमिकालाई अझ प्रभावकारी बनाउनुपर्ने बताउनुभयो । शाखाका सभापति गणेश नेपालले शाखाले अमेरिकन रेडक्रसको सहयोगमा विद्यालय सुरक्षाको लागि विपद व्यवस्थापन कार्यक्रम जस्ता कार्यक्रमहरु सञ्चालन भइरहेको जानकारी दिनुभयो ।
कार्यक्रममा निवर्तमान सभापति विष्णुराज नेपाल, पूर्व सभापति रामप्रसाद जोशी, राप्रपा नेपालका रामकृष्ण भट्ट, गोपाल सिलवाल, रधुनाथ खनाल, रामजी पौडेललगायतले मन्तव्य राख्नुभएको थियो ।
0 comments:
Post a Comment