यम चौलागाई
चैत २६सिन्धुली। सिन्धुलीको लाम्पान्टार बहुमुखी क्याम्पसमा आज क्याम्पस व्यवस्थापन समितीको गठनको लागि भएको भेलामा एमाले र माओवादी वीच विवाद भएको छ । भेलामा एमाले नेता रहेका प्रदिप कटुवालले आफ्नो अध्यक्षतामा सदस्यहरु समेत एकलौटी घोषणा गरेपछी माओवादीले निर्वाचन प्रक्रियामा जानुपर्छ भन्दा विवाद भएको माओवादी का एक नेताले बताएका छन् ।
विवाद हुदा एमाले नेता कटुवाल लगायत भक्त बहादुर तामाङ, चन्द्र तामाङ, अनिल तामाङ पुरुषेतम कार्की लगायतको टोलीले माओवादीका जयराम बस्नेत, भरत अधिकारी लगायत एक दर्जन कार्यकर्ता माथि हातपात गरेको माओवादीले बताएको छ । हातपातबाट घाईते माओवादी कार्यकर्ताको स्थानिय मेडिकलमा उपचार भएको छ । यसैगरी माओवादी क्षेत्र नं २ का इन्चार्ज मोदनाथ तिमल्सीना , १ नं क्षेत्रका शह इन्चार्ज डम्वर कार्कीलाई उनीहरुले नियन्त्रणमा लिएको पनि माओवादीले बताएको छ ।
घटनाको माओवादीले घोर भत्र्सना गरेको माओवादी सिन्धुलीका शह इन्चार्ज एक बहादुर राना प्रशान्तले टेलीफोन मार्फत जानकारी दिएका छन् ।
0 comments:
Post a Comment