यम चौलागाई
चैत २५ सिन्धुली। नेपाल रेडक्रस सोसाइटी शाखा सिन्धुलीको ४० औं जिल्ला सभा कार्यक्रम आज सिन्धुलीमा माढीमा सम्पन्न भएको छ । रेडक्रस शाखा सिन्धुलीका सभापति अशोक श्रेष्ठको सभापतित्वमा भएको कार्यक्रमको प्रमुख जिल्ला अधिकारी जितेन्द्र बहादुर भण्डारीले एक कार्यक्रमका वीच उद्घाटन गरेका थिए ।
कार्यक्रममा मन्त्री मेनुका सुवेदीले आर्थिक वर्ष ०६६।०६७ को वार्षिक प्रगती प्रतिवेदन तथा आगामी निती तथा कार्यक्रम प्रस्तुत गर्नु भएको थियो भने कोषाध्यक्ष शकुन्ताला श्रेष्ठले आर्थिक वर्ष ०६६।०६७ आर्थिक प्रतिवेदन पेश गर्नुका साथै आर्थिक वर्ष ०६८।०६९ को चालिस लाख बराबरको अनुमानित आय व्यय प्रस्तुत गर्नु भएको थियो ।कार्यक्रममा ढुंग्रेवास झोलुङ्गेपुल निर्माण समितिका अध्यक्ष हरिवहादुर कार्की जरायोटार झोलुङ्गेपुलका अध्यक्ष गणेशबहादुर लुङ्गेली मगर झोलुङ्गेपुल निर्माण कार्यमा उत्कृष्ट काम गर्ने असिस्टेण्ट सव इन्जीनियर चित्रबहादुर लुङ्गेली स्थानिय सन्चारकर्मी भावना गुरुङ्ग उपशाखा भिमस्थानका सभापति रामजी सुवेदी, हर्साहीका शान्तीप्रसाद दाहाल, निवर्तमान सभापति कुलमणि आचार्य, शिक्षक राधा सुवेदी तथा विभिन्न अवसरमा रक्तदान गर्ने महानुभावहरुलाई सम्मान गरि एको थियो ।
सो कार्यक्रममा प्रमुख जिल्ला अधिकारी जितेन्द्र बहादुर भण्डारी, एकिकृत नेकपा माओवादीका सह इन्चार्ज दिर्घराज श्रेष्ठ, नेपाली कांगे्रस सिन्धुलीका सभापति मोहन बराल, नेकपा एमालेका अध्यक्ष कमलजंग राई नेकपा माक्र्सवादीका हिरण्यलाल श्रेष्ठ जुनियर रेडक्रसका तर्फबाट टोमप्रसाद काफ्ले नेकपा संयुक्त माक्र्सवादीका प्रतिनिधि लगायतले मन्तव्य राखेका थिए ।
0 comments:
Post a Comment