आठ रात नौ दिनसम्म मनाइने प्रसिद्ध बिस्केटजात्रा आजदेखि सुरु

भक्तपुर २७ चैत । नेपालको प्राचीन सहर भक्तपुरमा प्रत्येक नयाँ वर्षमा परम्परागतरुपमा तान्त्रिक विधिअनुसार आठ रात नौ दिनसम्म मनाइने प्रसिद्ध बिस्केटजात्रा आजदेखि सुरु भएको छ ।

लिच्छविकालदेखि सुरु भएको सो जात्रा भक्तपुरवासीले नौ दिनसम्म मनाउने गर्छन् ।

आज बिहान गुठी संस्थानले सरकारका तर्फबाट तौमढीस्थित पाँचतले मन्दिर नजिकको भैरवमन्दिरमा पूजा गरेपछि विधिवत्रुपमा यसवर्षको बिस्केट जात्रा सुरु भएको गुठी संस्थानका प्रमुख अच्युतानन्द पोखरेलले बताउनुभयो ।