जेठ १४ काठमाडौँ । एकीकृत नेकपा माओवादी स्थायी समितिको आज सो पार्टीका अध्यक्ष प्रचण्ड निवासमा बसेको बैठकले तत्काल सरकारलाई लडाकूका हतियार नबुझाउने निर्णय गरेको छ ।
बैठकपछि पार्टी प्रवक्ता दीनानाथ शर्माले पत्रकारहरुसँग कुरा गर्दै एउटा राजनीतिक दलको आग्रहका आधारमा लडाकूका हतियार अहिले नै नबुझाइने स्पष्ट पार्नुभयो ।
उहाँले विस्तृत शान्तिसम्झौता र लडाकू समायोजन प्रक्रियाअनुरुप नै हतियार व्यवस्थापन हुने उल्लेख गर्नुभयो ।
बैठकले संविधानसभाको म्याद थपको कुनै विकल्प नभएको ठहर गर्दै त्यसका लागि दलहरुसँग लचिलो भई सहमतिका लागि वार्ता गरिने साथै शान्तिप्रक्रिया र संविधान निर्माणका आधारपत्र तयार पारेको बताइएको छ ।
0 comments:
Post a Comment