एसवी गौतम ,बैशाख ५सिन्धुली
तोकिएकै समयमा संविधान नबन्नुमा सवैभन्दा ठुलो दल माओवादी जिम्मेवार हुनु पर्ने रक्षामन्त्री विष्णु पौडेलले बताउनु भएको छ । आज सिन्धुलीमाढी आउनु भएका मन्त्री पौडेलले एमाले सिन्धुली पार्टी कार्यालयमा भएको भेटघाट कार्यक्रममा यस्तो बताउनु भएको हो । माओवादी शिविरमा रहेका लडाकुले अव युद्ध गर्न नसक्ने भन्दै मन्त्री पौडेलले शिविरमा रहेका लडाकुका हतियार सरकारलाई बुझाउनु पर्ने बताउनु भयो । मन्त्री पौडेलले अव के हुन्छ भन्ने प्रश्न सवैमा भएको भन्दै संविधान निर्माणका विषयमा भएका छलफलहरुको विचबाट सहमतिको प्रस्ताव तयार गर्नु पर्ने बताउनु भयो । यस्तो गरेमा नयाँ संविधान जारी गर्न सम्भव भएको उहाँको तर्क थियो । उहाँले अहिले पनि माओवादी तयार भएमा संविधान जारी गर्न सकिने बताउनु भयो ।
कार्यक्रममा एमाले सिन्धुलीका अध्यक्ष कमलजंग राईले सिन्धुलीका विभिन्न समस्याहरुका बारेमा मन्त्री पौडेललाई अवगत गराउनु भएको थियो ।
0 comments:
Post a Comment