चार पार्टीको बन्दले राजधानीको जनजीवन विहानैदेखि प्रभावित सवारीसाधनमा आगजनी र तोडफोड

 सोम लामा जेठ १३ काठमाण्डौ । स्वतन्त्र नागरिक सनातन युवा समाज विश्व हिन्दु महासंघ नेपाल नेपाल राष्ट्रिय समिति र चुरे भावर राष्ट्रिय एकता पार्टि लगायत विभिन्न संघ संगठनको बन्दका कारण विहानैदेखि राजधानी लगायत देशका विभिन्न ठाउँको जनजीवन प्रभावित भएको छ । वन्दकर्ताले विभिन्न सवारी साधनमा आगजनी गर्नुका साथै आवागमनमा अवरोध गरेका छन् । राजधानीमा विहानै पत्रकार लिन गएको कान्तिपुर टेलिभिजनको गाडीमाथि बालाजु वनस्थलीमा वन्दकर्ताले आगो लगाएका छन् । त्यस्तै जडिबुटीमा नेपाल यातायात र मैतीदेवीमा माइक्रोवसमा तोडफोड तथा आगजनी भएप्ाछि जनजीवन त्रसित भएको छ । सुरक्षार्थ सडकमा सुरक्षाकर्मीको तैनाथी बढाइएको छ । बन्द आह्वान गर्दै िहंड्ने र तोडफोड आगजनीमा संलग्न दर्जनौलाई प्रहरीले राजधानीका विभिन्न स्थानबाट नियन्त्रणमा लिएको छ ।
यसैविच जेठ १४ मा संविधान नआउने निश्चित भएपनि विभिन्न संघ संगठनले नयाँ बानेश्वरस्थित संविधानसभा भवनमा घेराउ तथा दवावमूलक कार्यक्रम जारी छ । आज पनि राप्रपा नेपाल र आदिवासी जनजातिले संविधानसभा भवन नयाँ बानेश्वरमा घेराउ कार्यक्रम राखेका छन् । हिन्दू राष्ट नेपालले सत्याग्रह आयोजना गरेको छ भने खस क्षेत्रीले आज पूर्वााचल बन्द आह्वान गरेका छन् । आदिवासी जनजातिहरुले चाहेको जाति भाषा ऐतिहासिक पहिचानको आधारमा सङ्घीय राज्य सुनिश्चित गरिनुपर्ने राज्यको पुनस्रंरचनामा आदिवासी जनजातिको अधिकार सुनिश्चित गरिनुपर्ने माग राख्दै घेराउ कार्यक्रम गर्न लागिएको नेपाल आदिवासी जनजाति महासङ्घका अध्यक्ष राजकुमार लेखी थारुले जानकारी दिनुभएको छ ।