जेठ १६ काठमाडौं। बिभिन्न जातिय संगठनहरुले संविधानसभाको म्याद तीन महिना थप्ने गरी जेठ १४ गते मध्यराती तीन ठूला दलले गरेको पाँच बुँदे सहमति जलाएका छन् ।
संविधान बनाउन नसक्ने असफल संविधानसभा विघठन गरी सर्वजातीय संयूक्त राष्ट्रिय सरकार गठन गरी संविधानसभाको नयाँ निर्वाचन गर्न माग गर्दै आएका ५ वटा जातीय संगठनहरुले आज राजधानीमा पत्रकार सम्मेलन गरेर जलाएका हुन् ।
थरुहट स्वायत्त राज्य परिषद, संघीय लिम्बुवान राज्य परिषद, संघीय लोकतान्त्रिक राष्ट्रिय पार्टी, आदीबासी जनजाती अधिकार मन्च र तामाङसालिङ स्वायत्त राज्य परिषदले पाँच बुँदे सम्झौतामा जलाएका हुन् । उनिहरुले मधेशीका माग मात्र उल्लेख गरेर, आदीवासी, जनजाती, मुस्लिम, थारु र दलित लगायतका विभिन्न समूहसँग गरेको सहमतिको बेवास्ता गरेको भन्दै आपत्ति प्रकट गरेका छन् ।
उनिहरुले मुलुकले सही कार्यदिशा पकडन नसके मुलुक झनै ठूलो द्धन्द्धमा जाने भन्दै तत्काल सर्वजातीय संयूक्त राष्ट्रिय सरकार गठन गरी संविधानसभाको नयाँ निर्वाचन गर्न माग गरेका छन् ।
0 comments:
Post a Comment