जेठ १४ गते शनिवार हुने प्रदर्शन, धर्ना, सभा, बन्द लगायत लाई ध्यानमा राखेर उच्च सर्तकताका साथ शान्ति सुरक्षा बनाई राख्न चार वटै सुरक्षा निकायका प्रमुखलाइ निर्देशन

जेठ १३ काठमाडौं  । सरकारले जेठ १४ गते शनिवार हुने प्रदर्शन, धर्ना, सभा, बन्द लगायत लाई ध्यानमा राखेर उच्च सर्तकताका साथ शान्ति सुरक्षा बनाई राख्न चार वटै सुरक्षा निकायका प्रमुखलाइ निर्देशन दिएको छ ।

सिंहदरबारमा आज बेलुका बसेको राष्ट्रिय सुरक्षापरिषदको बैठकले शान्ति सुरक्षा कायम गर्ने क्रममा कसैसंग सम्झौता नगर्ने निर्णय गरेको हो । परिषद एक सदस्यका अनुसार भोली शनिवार संविधानसभाको म्याद र व्यवस्थापिका संसदलाइ लिएर बिभिन्न समूहबाट प्रर्दशन धर्ना लगायतका कार्यक्रम हुने भएकाले त्यसमा ध्यान दिन भनिएको हो ।

त्यसै गरेर सुरक्षापरिषदले शान्ति सुरक्षा कायम गर्ने क्रममा लचकताका साथै सर्तकता अपनाउने निर्णय पनि गरेको छ । सर्वसाधारणलाई असर पर्ने गरेर हुन प्रर्दशनलाई सुरक्षा निकायले नियन्त्रण गर्न ध्यान दिने बुझिएको छ ।