एन आर एन पोर्चुगलको सचिव पदमा नविन गौतम बिजयी

जेठ १६ लिस्बोन। गैर् आवाशिय नेपाली संघ पोर्तुगलको सचिब पदमा भएको निर्वाचनमा नविन गौतम बिजयी हुनु भएको   छ। कुल ९७० मतदाता  सदस्य रहेको एन आर एन पोर्तुगलको निर्वाचनमा ७०६ मतदाताले मतदान गरेकोमा  खसेको मतमा १० मत बदर भएका थिए।

सचिव पदमा बिजयी  उम्मेदवार नविन गौतमले ५०६ मत प्राप्त गर्नु भयो भने उहाका प्रतिद्वन्दी योगेन्द्र मिलन छन्त्यालले १७४ मत प्राप्त गर्नु भएको छ । 

गौतमलाई पौतुगलमा रहेका तीन राजनीतिक संगठनहरुको   समर्थन रहेको थियो। तर अर्का उम्मेदवार छन्त्यालले   स्वतन्त्र उम्मेदवारको रुपमा प्रतिष्पर्धामा गरेका थिए । 

संघको सचिब पद बाहेक अन्य पदहरु निर्बिरोध निर्बाचित भएका थिए। आगामी २ बर्ष सम्म चल्ने कार्यकालमा निर्बिरोध निर्बाचित हुने हरुमा अन्त राष्ट्रिय समन्व यन सदस्यमा पूर्ण हमाल , अध्यक्ष्य मा रमेश गुरुङ उपाध्यक्ष्यमा दिलाराम चापागाईं र पेम्बा शेर्पा ,कोषाध्यक्ष सुरेन्द्र अमगाई सह सचिब सोनाम दोर्जे योन्जन लामा ,लेखा समिति अध्यक्षमा खेम जुग्जाली मगर र सदस्यमा भेष राज आचार्य , महिला र युवा प्रतिनिधिमा सित देवी बास्तोला बराल र गोबिन्द दाहाल निर्बाचित हुनु भएको छ ।  

यसै गरि सदस्यहरुमा उमेश गुरुङ , कन्चन श्रेष्ठ,गिरि प्रसाद गाहा मगर ,जय कला राई,दिलिप कुमार सुनाम ,धनराज शेर्पा ,धर्म लाल कंडेल मदन ,पुरुषोत्तम   सुबेदी दामोदर ,लाला बहादुर पुन , बिष्णु प्रसाद सापकोटा ,र सुमन चौलागाईं रहनु भएको छ।