जेठ १६ पर्वत। पर्वतको फलेबास सडकमा पर्ने मल्याङ्गदी खोलामा पक्की पुल निर्माण शुरु भएको छ । ग्रामिण पुननिर्माण तथा पुर्नस्थापना आयोजनाले पुल निर्माणका लागि प्रकृया अगाडि बढाएको हो । आयोजनाले दिएको जानकारी अनुसार पुल निर्माणका लागि टेण्डर आव्हान गरि सम्झौता चरणमा पुगेको छ ।
असारदेखि टेण्डर स्वीकृत भै निर्माणको काम शुरु हुने आयोजना संयोजक जगदिश शर्माले बताउनुभयो । पुल निर्माणको कुल लागत १ करोड ११ लाख रहेको आयोजनाले जनाएको छ । पुल २५ मिटर लम्बाइ र सिङ्गल लेनको रहनेछ । पर्वत जिल्लाको सदरमुकाम कुस्माबजारलाई दक्षिणी क्षेत्र संग जोड्ने महत्वपुर्ण सडक मानिने दोबिल्ला फलेबास सडकमा पर्ने मल्याङ्गदीमा पुल निर्माण सञ्चालनमा आउनेछन् ।
पर्वत जिल्लाको सदरमुकाम कुस्माबजारलाई दक्षिण क्षेत्र संग जोड्ने सडकहरुको स्तर सुधार गर्न ग्रामिण पुननिर्माण तथा पुर्नस्थापना आयोजनाले रु २९ करोड खर्च गरेर ६३ किलोमिटर सडक ग्राभेल गर्न लागेको हो ।
0 comments:
Post a Comment