प्रमुख ३ दलका शीर्ष नेताहरुको बैठक गोकर्णस्थित रिसोर्टमा सुरु

जेठ १३ काठमाण्डौ । संविधानसभाको म्याद थप शान्ति प्रकि्रया लगायतका विषयमा निरन्तर छलफलमा जुटेका प्रमुख दलहरुले आज पनि छलफल जारी राखेका छन् । काठमाडौको गोकर्णस्थित रिसोर्टमा भर्खरै सुरु भएको छलफलमा हिजोकै वार्ताको निरन्तरता भएको नेताहरुले बताएका छन् । हिजोको बैठकमा नेपाली काङ्ग्रेसले हतियारको साँचो सरकारलाई बुझाउनुपर्ने माग राखेकोमा त्यसमा माओवादी असहमत भएको थियो । साँचो विशेष समितिमा बुझाउने एमालेको मध्यमार्गी प्रस्तावमा आजको वार्तामा कुनै सहमति हुनसक्ने अपेक्षा गरिएको छ । हिजोको बैठकमा नेपाली काङ्ग्रेसले अघि सारेको १० बुँदे माग शान्ति प्रकि्रया संविधानसभाको म्याद थप लगायतका विषयमा छलफल भएको थियो । संविधानसभाको म्याद सकिन एक दिन मात्रै बाँकी रहेका बेला नेताहरु बाक्लो छलफलमा जुटेपनि निचोड निस्कन सकेको छैन ।