पर्यटन दिवसको अवसरमा सरकारले गत कात्र्तिक महिनामा घोषणा गरेको ‘नागी–नार्चिङ’ पदमार्ग उद्घाटन नहुदै पर्यटकको उत्साहजनक चहलपहल सुरु भएको छ । आन्तरिक व्यवस्थापन, उचित प्रचार–प्रसार र आकर्षक गन्तव्यका कारण छोटो समयमै पर्यटकको आगमन सुरु भएको हो । पर्यटन वर्षलाई सफल बनाउने उद्देश्यले पर्यटन मन्त्रालयले यो सँगै सिन्धुपाल्चोकको पाँचपोखरी–भैरबकुण्ड र बाग्लुङको ढोरपाटन पदमार्ग पनि खुल्ला गरेको थियो । लामो र छोटो दुईवटा रुट प्रयोग गर्न सकिने ‘नागी–नाच्र्याङ’ पदमार्गलाई स्थानीयबासीन्दाले पर्वत म्याग्दी इको पदमार्ग भनेर बुझ्ने गरेका छन् । ६० किलोमिटर लामो पदमार्गले पर्वतको दुई र म्याग्दीको सात गाविसलाई समेटेको छ । म्याग्दीको पिप्ले–१ घुमाउने तालबाट सुरु हुने पर्वत बाँसखर्क, डाडाँकटेरी–नागी–महरेडाँडा–डाडाँखर्क–हिस्तान–घराम्दी–खिवाङ–ख्रोपा–नारच्याङबेशी हुदै भुरुङतातोपानी आईपुग्न ९ दिन लाग्छ । अप्रिल महिनामै उद्घाटनको तयारीमा रहेको यो पदमार्गमा अहिलेसम्म ६ समुह विदेशी पर्यटकले भ्रमण गरिसकेको बाँसखर्कका पर्यटन व्यवसायी याम गुर्वजाले बताउनुभयो । ‘मार्चमा ६ ग्रुपले भ्रमण गरेका थिए, उहाँले भन्नुभयो –‘त्यसभन्दा अघि जापानबाट एक, युकेबाट दुई र नेदरल्याण्डबाट दुई समुहले भ्रमण गरेका छन् ।’ उहाँले, बाँसखर्कमा स्थानीय र एक गैरसरकारी सँस्थाको पहलमा डाईनिङहल निर्माण भईसकेको जानकारी दिदै आधा दर्जन घरमा पर्यटकलाई सुत्ने व्यवस्था मिलाईएको बताउनुभयो । पदमार्ग भित्र पर्ने विभिन्न थरीका लालीगुराँस, खयरबराही, प्यारीबराह, चौरीखर्क, रुप्से झरना, अन्धगल्छी, चराचुरुङी, अन्नपूर्ण, निलगिरी, धवलागिरी, माछापुच्छ्रे, लगायत २९ हिमश्रृङखलाले पर्यटकको मन लोभ्याउन सक्ने स्थानीयबासीको भनाई छ ।
Sahara Sansar
Wednesday, April 6, 2011
Subscribe to:
Post Comments (Atom)
0 comments:
Post a Comment