विद्यालयलाई आर्थिक सहयोग

राजेन्द्र न्यौपाने चैत ९ गोरखा ।

जिल्लाको केराबारी गाउँ विकास समिति स्थित जीवन निम्न माध्यमिक विद्यालयको भवन निर्माणका लागि अमेरिकामा बसोबास गर्ने केराबारीका नागरिकहरुले आर्थिक सहयोग गरेका छन् । ठाकुर ढकाल पाँचसय डलर, सभद्रा रेग्मी एकसय डलर, सावीत्रा रेग्मी एकसय डलर, रमेश रेग्मी एकसय डलर गरी कुल आठ सय डलरको नेपाली रुपिया ५६ हजार आठ सय ८७ रुपियाँ विद्यालयको राष्ट्रिय वाणिज्य बैंक गोरखामा रहेको चल्ती खाता २९८ मा जम्मा गरिएको विद्यालयका प्रधानाध्यापक गुरुदत्त रेग्मीले जानकारी दिनुभयो । यस अघि पनि सो विद्यालय निर्माणको लागि केरावारी निवासीहरुले आर्थिक सहयोग गर्दै आएका थिए । विकट गाउँमा रहेको सो विद्यालय भवन

अभावका कारण विद्यार्थीहरुको पठनपाठनमा समस्या पर्दै आएको छ । विद्यालयको भवन निर्माण कार्य भैरहेकोले सहयोगी हातहरुको सहयोग विद्यालयले लिने प्रधानाध्यापक रेग्मीले बताउनुभयो । केरावारी गोरखा जिल्लाको ऐतिहासिक ठाउँ हो ।