चैत १४ काठमाडौं। राष्ट्रपति डा.रामवरण यादवले समयमै नयाँ संविधान जारी गर्न दलहरुबीचको विवाद नयाँ संविधानमा देखिने चिन्ता बढेको बताउनु भएको छ । उहाँले संविधान बन्नका लागि सकारात्मक भूमिका निर्बाहको लागि सञ्चार माध्यमहरु लाई आग्रह गर्नभएको छ ।
फ्रिडम फोरम नेपालको राष्ट्रिय सम्मेलनलाई सोमबार काठमाडौंमा उदघाटन गर्दै राष्ट्रपति यादवले जेठ १४ भित्रै शान्ति प्रत्रिया र नयाँ संविधान जारी गर्न वातावरणका लागि राजनीतिक दलहरुलाई दवाव दिन सबै पक्षलाई आग्रह गर्नभयो । नागरिकको सूचना पाउने हकलाई सहज बनाउन उहाँले सबै सञ्चारकर्मीलाई आग्रह पनि गर्नुभयो ।
कार्यक्रममा उपप्रधान तथा सञ्चारमन्त्री कृष्णबहादुर महराले अन्तरिम संविधानमा उल्लेख भएको सूचनाको हक सम्बन्धी ऐन कार्यान्वयन गर्न प्रतिबद्धता जनाउनुभयो। सम्मेलनमा दक्षिण एसियाका विभिन्न आठ मुलुकका प्रतिनिधि सहभागी छन् । सम्मेलनका सहभागिहरुले सूचनाको हकमा नागरिकको सहज पहुँच सम्बन्धि कार्यपत्र प्रस्तुत गर्ने छन् ।
यसैबीच राष्ट्रपति डाक्टर रामबरण यादवले राजनीतिक भेटवार्ता जारी राख्नु भएको छ ।
0 comments:
Post a Comment