चैत १७ कोहलपुर।एसएलसीको आजको परीक्षामा चिट चोराउँदै गरेको अवस्थामा बाँकेमा एक जना पक्राउ परेका छन् । कोहलपुरको त्रिभुवन उच्च माविमा चिट चोराउँदै गर्दा परीक्षा केन्द्रका परिचर राम दयाल चौधरीलाई सशस्त्र प्रहरीले पक्राउ गरेको हो ।
आजको ऐच्छिक विषयको परीक्षामा फोटोकपी सहितको चिट चोराईरहेको अवस्थामा अनुगमनमा गएको सशस्त्र प्रहरीको टोलीले पक्राउ गरेको हो । यता बाँकेको शिवशक्ति उच्च मावि परिक्षा केन्द्रमा रिर्पोटिङमा गएका पत्रकारहरुलाई केन्द्राध्यक्षले रोकेका छन् । केन्द्राध्यक्ष महेश शर्माले फोटो खिच्न समेत अबरोध गरेको बताइएको छ ।
भोलिसम्म सञ्चालन हुने परीक्षामा यस वर्ष बाँकेमा ७ हजार भन्दा बढी परीक्षार्थी सहभागी भएका छन् ।
0 comments:
Post a Comment