कूल तामांग
चैत १२ नुवाकोट। नुवाकोटमा शुक्रवार राति छुट्टाछुट्टै घटनामा एक महिलासहित दुई जनाको मृत्यु भएको छ । महिलाको सडक कल्भर्टमा खसेर र एक युवकको अत्याधिक मादक पदार्थ सेवनका कारण मृत्यु भएको हो ।
चारघरे गाविस वडा नंं ३ घर भइ बेलकोट नमुना गाविस वडा नंं १ माइतीमा बस्दै आएकी अर्जुन मिजारकी श्रीमति ४० वर्षिया बतिनी मिजारको खेतमा पानी लगाउन जान लाग्दा कल्भर्टबाट खसेर मृत्यु भएको जिल्ला प्रहरी कार्यालय नुवाकोटले जनाएको छ ।
मिजारको पासाङल्हामु मार्गस्थित त्रिशूली काठमाडौं सडक खण्डको हकुवा भन्ने स्थानको कल्भर्टबाट खसेर मृत्यु भएकी मिजारको शव पोष्टमार्टमका लागि जिल्ला अस्पताल त्रिशूलीमा राखिएको प्रहरी निरीक्षक विष्णुप्रसाद पोखरेलले बताउनुभयो ।
उता, कुमरी गाविस वडा नंं ९ खनीयाखर्कमा अत्याधिक मादक पदार्थ सेवनका कारण स्थानीय २४ वर्षिय माइला तामाङको मृत्यु भएको छ । उनको शव शनिवार विहान मदिराको बोतलसहित घरदेखि पाच सय मिटरको दुरीमा भेटिएको हो ।
विदुर नगरपालिका वडा नंं ५ माझिाटारका युवक दिपेन्द्र मिश्र मोटरसाइकल दुर्घटनामा परी गम्भीर घाइते भएका छन् । गंगटेबजारबाट घरतर्फ जादै गर्दा मोटरसाइकल दुर्घटनामा गम्भीर घाइते भएका मिश्रको उपचारका लागि स्थानीय व्यक्तिहरुबाट आर्थिक सहयोग संकलन गरी काठमाडौं पठाइएको छिमेकी शिव कुवरले जानकारी दिनुभयो ।
0 comments:
Post a Comment