संविधान निर्माण र शान्ति स्थापना गर्नु सरकारको मुख्य दायित्व भएको मन्त्रि रायमाझीको भनाइ

एस् बि गौतम 

 चैत १४ सिन्धुली। भौतिक तथा योजना मन्त्रि टोप बहादुर रायमाझीले संविधान निर्माण र शान्ति स्थापना गर्नु सरकारको मुख्य दायित्व भएको बताउनुभएको छ ।

विभिन्न भौतिक निर्माण तथा योजनाहरुको निरिक्षणका क्रममा सोमबार सिन्धुली आइपुग्नुभएका मन्त्रि रायमाझीले सिन्धुलीका पत्रकारहरु राजनितिक दल र कार्यालय प्रमुखहरुसंग कुराकानी गर्दै यस्तो बताउनुभएको हो । मन्त्रि भएपछि पहिलो पटक देशव्यापी अनुगमनमा निक्लनुभएका मन्त्रि रायमाझीले अनुगमनका क्रममा राष्ट्रिय स्तरका ठुला ठुला योजनाको पनि अवलोकन गर्ने बताउनुभयो । योजनाहरुको सिद्धान्त र व्यवहारले मेल नखानु र तिनिहरुविचको अन्तरविरोधको कारणको पनि समाधान खोज्नुपर्ने उहाको भनाइ थियॊ ।

देश सक्रमणकालीन परिस्थितिमा चलिरहेका वेला धमिलो पानीमा माछा मार्ने प्रवृति र चिन्तन भएका हरुको विरुद्धमा लड्नुपर्ने आवाश्यकतालाइ औल्याउदै उहाले त्यसलाइ सफल हुन नदिने बताउनुभएको छ । योजनालाइ गुणस्तरयुक्त वनाइ समय सिमाभित्र काम गरियो भने नतिजा राम्रो निस्कने र त्यो नै राष्ट्रका लागी उपयोगी हुने उहाको ठहर छ ।

बर्दिवास सिन्धुली सडकखण्ड छोटो समयमा निर्माण भए पनि सन्तोष जनक देखिएको भन्दै उहाले सन्तुष्ठी व्यक्त गर्नुभयो ।