कूल तामाङ्
चैत १६ नुवाकोट। किशोरी शिक्षा तथा सशक्तिकरण तालिम बट्टारको भिमसेन माविमा सम्पन्न भएको छ । शिविन नेपालको सहयोगमा नारी चेतना समाज विदुरले सञ्चालन गरेको पाँच दिने तालिममा तीस जना किशोरीहरुको सहभागीता रहेको थियो ।
सहभागीहरुलाई एचआइभि एड्स, गर्भपतन, किशारावस्थाका परिवर्तन, प्रजनन् स्वास्थ्यलगायतका विषयमा प्रशिक्षण दिइएको थियो । सहभागीहरुलाई चमेली गुरुङ, सर्मिला उप्रेती, रिभा बज्राचार्य र प्रशंसा पन्तले प्रशिक्षण दिनुभएको थियो ।
आज सम्पन्न भएको तालिमका सहभागीहरुलाई भिमसेन माविका प्रधानाध्यापक बासु बानियाले प्रमाणपत्र प्रदान गर्नुभएको थियो ।
नारी चेतना समाजले सोही विद्यालयका विद्यार्थीहरुलाई विभिन्न खेलकुद सामग्रीहरु पनि प्रदान गरेको छ ।
0 comments:
Post a Comment