चैत १३ पोखरा। नेपाली काँग्रेसका महामन्त्री प्रकाशमान सिंहले सत्ताधारी एकीकृत माओवादी र एमाले शान्ति प्रक्रियाका लागि बाधक भएको आरोप लगाउनु भएको छ ।
लामो समयसम्म एकीकृत नेकपा माओवादी र एमाले शान्ति प्रक्रियाप्रति उदासिन रहँदै आएको भन्दै उहाँले शान्ति प्रक्रिया टुंगोमा नपुगे त्यसको जिम्मेवारी माओवादी र एमालेले लिनुपर्ने जिकिर गर्नुभयो । नेपाल प्रेस युनियन कास्कीले आइतबार पोखरामा गरेको पत्रकार सम्मेलनमा महामन्त्री सिंहले भन्नुभयो "काँग्रेसले शान्ति प्रक्रियालाई कहिल्यै अवरोध नगरेकाले बाँकी समयमा शान्ति प्रक्रियाई टुग्याउने वा अलपत्र पार्ने त्यो माओवादी र एमालेमा निर्भर पर्छ ।"
विगतका सहमति र सम्झौताको कार्यन्वयन नगरेको माओवादीले आफ्ना लडाकुलाई विशेष समिति मातहात ल्यायौ भनेर प्रचारवाजी गरि अन्तर्राष्ट्रिय समुदायको आखाको छारो हालेको भन्दै उहाले माओवादीको आलोचना गर्नुभयो ।
0 comments:
Post a Comment