चैत १२ काठमाडौँ । सरकारले सिएफएल चिमको प्रवद्र्धनका लागि आयतमा भन्सार छुट दिने निर्णय गरेकोमा नेपाल विद्युतीय व्यवसायी महासङ्घले त्यसको स्वागत गरेको छ । उपप्रधानमन्त्री एवम् अर्थमन्त्री भरतमोहन अधिकारीले हालै व्यवस्थापिका संसदमार्फत सो चिमको आयतमा केही प्रतिशत भन्सार छुट दिने जानकारी दिनुभएको थियो ।
महासङ्घको प्रथम वार्षिक साधारणसभाका सहभागीले सो निर्णयको स्वागत गर्दै यसबाट वर्तमान लोडसेडिङ अन्त्यका लागि थप सहयोग पुग्ने विश्वास व्यक्त गरे । उपप्रधानमन्त्री एवम् अर्थमन्त्री अधिकारीले साधारणसभाको उद्घाटन गर्दै दुई वर्षभित्र दैनिक लोडसेडिङको समय १२ घण्टा घटाउन ऊर्जा सङ्कटकाल घोषणा गरिएको बताउनुभयो ।उहाँले भन्नुभयो ‘सरकार र निजी क्षेत्रको सहकार्यबाट विद्युत् उत्पादन बढाउन प्राथमिकता दिनुपर्छ ।’
सो अवसरमा विभिन्न व्यक्तिलाई सम्मान पनि गरिएको थियो ।
नेपाल विद्युत् प्राधिकरणका कार्यकारी निर्देशक जिभेन्द्र झाले विद्युत् उत्पादन कम र माग अत्यधिक भएकाले नै लोडसेडिङको समय दिन प्रतिदिन बढिरहेको बताउनुभयो ।
नेपाल चेम्बर अफ कमर्शका अध्यक्ष सुरेन्द्रवीर मालाकारले लोडसेडिङका कारण उद्योग व्यवसाय धरासायी अवस्थामा पुगेको बताउनुभयो ।
महासङ्घका अध्यक्ष गोविन्दप्रसाद कँडेलको अध्यक्षतामा सो कार्यक्रम सम्पन्न भएको थियो ।
0 comments:
Post a Comment