चैत १७ मोहाली (एजेन्सी)। सचिन तेन्दुलकरको महत्त्वपूर्ण ८५ रनको योगदानसँगै भारतले दिएको २६१ रनको चुनौति पछ्याउने क्रममा २३१ रन मै पाकिस्तानका खेलाडी अलआउट भएपछि भारत विश्वकप क्रिकेटको फाइनलमा पुगेको छ।
टस जीतेर पहिला व्याटिगं गरेको भारतले ५० ओभरमा ९ विकेट गुमाएर २६० रन बनाएको थियो। भारतको तर्फबाट तेन्दुलकरले ८५ रन, सहवागले ३८ रन, रैनाले नट आउट रहदै ३६ रन, गम्भिरले २७ तथा धोनीले २५ रन बनाएका थिए। पाकिस्तानको तर्फबाट वाहव रियाजले ५, अजमलले २ तथा हफिजले १ विकेट लिएका थिए।
२६१ रनको लक्ष्य पछ्याएको पाकिस्तानले उक्त लक्ष्य ४४.५ ओभरमा पार गरेको थियो। पाकिस्तानको तर्फबाट मिसाबुल हकले ५६ रन, हफिजले ४३ रन, शफिकले ३० रन तथा उमर अकमलले २९ रन बनाएका थिए। भारतको तर्फबाट जहिर, मुनाफ, हरभजन, नेहरा तथा युवराजले २,२ विकेट लिएका थिए। यस खेलमा पाँच जीवनदान पार्इ ८५ रन बनाउने सचिन म्यान अफ द म्याच भएका थिए।
फाइनल खेल दक्षिण एसियाको अर्को राष्ट्र श्रीलंका र भारत बीच मुम्बईमा शनिबार हुनेछ। विश्वकप क्रिकेट एसियाली दुई राष्ट्रबीच हुन लागेको यो पहिलो अवसर हो।
0 comments:
Post a Comment