नयाँ बर्षको अबसरमा नेपालमा तेश्रो पटक पोकर रन रेस हुने

रविन राचलिका
 चैत १४ काठमाण्डौं। नयाँ बर्षको अबसरमा नेपालमा तेश्रो पटक पोकर रन रेस हुने भएको छ । यो रेस काठमाण्डौंदेखि सौराहासम्म आयोजना गरिन लागेको हो । बैशाख ३१ गते बिहान ८ बजे लाजिम्पाटको कफी इस्केपबाट रेस सुरु हुनेछ ।

पोकर नामको तासको खेलको आधारमा रेस गरिन लागिएको हो । जस अनुसार रेसमा सहभागीहरुलाई इन्ट्री प्वाइन्टहरुमा एक एक पट्टी तास दिइने छ । रेस अवधिमा पाँच वटा तास दिइनेछ । अन्तिम गन्तब्यमा जोसंग बढी हातको तास हुन्छ उसैलाई बिजेताको घोषणा गरिनेछ । यो खेलमा हातमा परेको तासको आधारमा बिजेता छनौट गरिने भएकोले प्रतियोगीले धेरै स्पीडमा बाइक गुडाउन आबश्यक छैन ।

पर्यटन प्रबद्र्धन गर्ने उदेश्यले आयोजना गरिएको प्रतियोगितामा भाग लिने प्रतियोगीहरुले इन्ट्री पोइन्ट लगायतका अन्य गन्तब्यमा रमाइलो गर्दै जान सक्नेछन् ।

रेसमा सहभागी हुन ३५ सय रुपियाँ तिर्नु पर्दछ । यस रकममा सम्पुर्ण प्रतियोगीलाई तीन दिनको खाना र बासको सुबिधा उपलब्ध गराइएकोछ । बिजेताले भने बिभिन्न संस्थाहरुबाट प्राप्त हजारौं रुपियाँ बराबरको उपाहार प्राप्त गर्नेछ ।

द्धारिका होटेल, यती एयर लाइन्स आदिले गिफ्ट प्रायोजन गर्ने आयोजक साक्रेड समिटले जनाएको छ।