ताप्लेजुङको याप्फाखोला जलविद्युत आयोजना अलपत्र

चैत १७ ताप्लेजुङ। १२ वर्षअघि स्थानिय विकास मन्त्रालयको दुर्गम क्षेत्र विकास समितिले सुरुमखिम गाविसमा सुरु गरेको याप्फा खोला जलविद्युत आयोजना अलपत्र परेको छ । अहिले यो क्षेत्रमा विजुलीका खम्वा र तार खेतवारीमा अव्यवस्थित रुपमा छरिँदा समेत कसैले वास्ता नगरेको स्थानीयबासीको भनाइ छ ।

विद्युत निर्माणको ठेक्का पाएको राधा स्ट्रक्चर प्रालि सिनामंगल काठमाडौले काम पूरा नगरी भागेपछि त्यस क्षेत्रका करिव २ सय ५० घरधुरी अन्धकारमा वस्न वाध्य भएका हुन् । समितिले २९ लाख रुपैयाँ खर्च गरेर निर्माण सम्पन्न गरेको भनिएपनि अझै विजुली वल्न सकेको छैन ।

 विद्युत उपभोक्ता समितिका अध्यक्ष रामप्रसाद इम्वुङका अनुसार विजुली वाल्नको लागि दुर्गम क्षेत्र विकास समितिलाई पटकपटक आग्रह गरेपनि वेवास्ता गरेको छ । दुर्गम विकास समितिका सदस्य रहेका पदम पालुङ्वाका अनुसार सो कार्यलाई पुर्णता दिन समितिले यसपालि पनि वजेट विनियोजन गरेको छ । स्थानियवासिले कुलो खन्ने, खम्वा गाड्ने, तार टाग्ने, र विद्युत गृह वनाउनका लागि करिव ७ लाख रुपैँया वरावरको जनश्रमदान गरेको जनाएका छन् ।

यस खोलावाट उत्पादित हुने ३२ किलोवाट क्षमताको विद्युत करिव २सय ५० घर धुरीलाइ पु¥याउने लक्ष लिएको छ ।