कुटनीतिक राहदानी दुरुपयोग गर्ने दुई सभासद बिरुद्ध बिशेष अदालतमा मुद्धा दायर

वैशाख २८ काठमाडौं। कुटनीतिक राहदानी दुरुपयोग गरेको अभियोगमा पक्राउ परेका मधेसी जनअधिकारी फोरम नेपालका सभासद वीपी यादव र नेपाली जनता दलकी गायत्री साह बिरुद्ध अख्तियार दुरुपयोग अनुसन्धान आयोगले बिशेष अदालतमा मुद्धा दायर गरेको छ ।

साह र यादव विरुद्ध अख्तियारले बिशेष अदालतमा आज मुद्धादायर गरेको अख्तियारले जनाएको छ । उहाँहरुले रातो पासर्पोट अर्थात कुटनीतिक राहदानीको बेचेविखन गरे पछि प्रहरी र अख्तियारले पक्राउ गरेर अनुन्धान गरेका थिए ।

यसैवीच, नेपाली जनता दलका अध्यक्ष हरिचरण साह विरुद्ध पनि अख्तियारले बिशेष अदालतमा मुद्धादायर गरेको छ । उहाँले राहदानी बिक्रिमा आफ्नी छोरी तथा सभासद गायत्री साहलाई सहयोग गरेको अभियोग लागेको छ ।

नेपाली जनता दलका अध्यक्ष हरिचरण साह केही समय देखि बेपत्ता हुनुहुन्छ । उहाँलाई प्रहरी र अख्तियारले खोजी गरिरहेको छ ।