माघ २४ मोरङ (पानीटयाङ्की)। समाचारको विषयलाई लिएर ज्यानमार्ने धम्की आएपछि मोरङको पथरीबाट दुईजना पत्रकार विस्थापित भएका छन् ।
आˆनोबारेमा गलत समाचार लेखेको भन्दै पथरी बस्ने औजार दैनिकका संवाददाता अर्जुन जम्नेली राई र जनविद्रोह दैनिकका संवाददाता विवेक भट्टराईलाई मोबाइलमार्फत सुरक्षित बस्नु हामी मौकाको पर्खाइमा छौँ हाम्रोबारेमा लेख्ने तिमीहरूको अन्त्य निश्चित छ भन्ने एसएमएसमार्फत आइतबार बारम्बार धम्की आएपछि पत्रकार राई र भट्टराई सुरक्षाका लागि विस्थापित भएका हुन् ।
दुवै पत्रकार आˆनो घर छाडेर अन्यत्रै सुरक्षित स्थानमा बस्न गएका छन् । पूर्वी मोरङको सुनजोरा खोलाबाट घडेरी प्लटिङका लागि अवैधरूपमा गिट्टी बालुवा निकालेकोबारे समाचार लेखेर गलत काम गरेको धम्की दिनेको आरोप छ ।
पत्रकारद्वयलाई नमस्ते मोबाइलको ९८४२३०६१५१ नम्बरबाट ज्यान लिने धम्की आएको हो ।
समाचारको विषयलाई लिएर आइतबार नेकपा एमालेका स्थानीय नेता किशोर राईको निर्देशनमा साजन धिमाललगायतको समूहले औजार दैनिक पत्रिका कब्जामा लिएर वितरणमा पनि रोक लगाएको थियो ।
पत्रिका वितरणमा रोक लगाएर प्रेस स्वतन्त्रता कुण्ठित गरेको पत्रकार सम्वद्ध सङ्घसङ्गठनतले भत्र्सना गरेपछि प्रहरीले किशोर राईको पथरीस्थित घरबाट पत्रिका निकालेर प्रहरी कार्यालयमा ल्याएको थियो । त्यसपछि पत्रकार राई र विवेक भट्टराईलाई एसएमएसमार्फत धम्की आएको थियो ।
पत्रकार राईलाई एकहप्ताअघि औजार दैनिकका विशेष संवाददाताले लेखेको सामाचार र पत्रिकाको सम्पादकीयको विषयमा र भट्टराईलाई एकवर्ष अघिको समाचारको विषयमा रीसईबी साँघिएको हुनसक्ने पत्रकार भट्टराईले बताउनुभयो ।
पत्रकार राई र भट्टराई क्रान्तिकारी पत्रकार सङ्घका जिल्ला सदस्यहरू हुन् । उनीहरूको अन्त्य निश्चित भएकाले सुरक्षित राख्नु भन्दै क्रान्तिकारी पत्रकार सङ्घ मोरङका अध्यक्ष गणेश लम्साललाई पनि सोही नम्बरबाट एसएमएसमार्फत धम्की दिइएको छ ।
घटनाबारे नेपाल पत्रकार महासङ्घ, क्रान्तिकारी पत्रकार सङ्घ, प्रेस चौतारी, प्रेस युनियनका जिल्ला शाखाहरूले प्रमुख जिल्ला अधिकारी सुरेश अधिकारी, प्रहरी उपरीक्षक दीपक थापा र नेकपा -एमाले) लगायतलाई उजुरी गरिसकेको भए पनि कोही पनि दोषी पक्राउ परेका छैनन् ।
नेकपा -एमाले)ले पनि घटनाप्रति कुनै चासो देखाएको छैन ।
प्रजिअ सुरेश अधिकारीले धम्की आएको मोबाइलको नम्बर गोप्यरूपमा अध्ययन भइरहेको बताउनुभयो ।
Read More......
